תהילים יחד למטרה אחרת כיתה יא -בית יעקב אור יהודה
תהילים חברתי - קריאה משותפת של תהילים יחד למטרה אחרת כיתה יא -בית יעקב אור יהודה כל אחד קורא פרק אחד ויחד משלימים את כל ספר התהילים.
קראו ושתפו את יקירכם!
להצלחת הבנות והמורות וכל הנוסעים שיחזרו הבייתה לשלום במהרה בנסיעה טובה ושקטה
9
סה״כ פרקים שנקראו
בספר הנוכחי:
9 פרקים נקראו, 8 פרקים בקריאה, 133 פרקים נותרו
פרק ק"ט
(א)
לַמְנַצֵּחַ לְדָוִד מִזְמוֹר אֱלֹהֵי תְהִלָּתִי אַל־תֶּחֱרַשׁ׃
(ב)
כִּי פִי רָשָׁע וּפִי־מִרְמָה עָלַי פָּתָחוּ דִּבְּרוּ אִתִּי לְשׁוֹן שָׁקֶר׃
(ג)
וְדִבְרֵי שִׂנְאָה סְבָבוּנִי וַיִּלָּחֲמוּנִי חִנָּם׃
(ד)
תַּחַת־אַהֲבָתִי יִשְׂטְנוּנִי וַאֲנִי תְפִלָּה׃
(ה)
וַיָּשִׂימוּ עָלַי רָעָה תַּחַת טוֹבָה וְשִׂנְאָה תַּחַת אַהֲבָתִי׃
(ו)
הַפְקֵד עָלָיו רָשָׁע וְשָׂטָן יַעֲמֹד עַל־יְמִינוֹ׃
(ז)
בְּהִשָּׁפְטוֹ יֵצֵא רָשָׁע וּתְפִלָּתוֹ תִּהְיֶה לַחֲטָאָה׃
(ח)
יִהְיוּ־יָמָיו מְעַטִּים פְּקֻדָּתוֹ יִקַּח אַחֵר׃
(ט)
יִהְיוּ־בָנָיו יְתוֹמִים וְאִשְׁתּוֹ אַלְמָנָה׃
(י)
וְנוֹעַ יָנוּעוּ בָנָיו וְשִׁאֵלוּ וְדָרְשׁוּ מֵחָרְבוֹתֵיהֶם׃
(יא)
יְנַקֵּשׁ נוֹשֶׁה לְכָל־אֲשֶׁר־לוֹ וְיָבֹזּוּ זָרִים יְגִיעוֹ׃
(יב)
אַל־יְהִי־לוֹ מֹשֵׁךְ חָסֶד וְאַל־יְהִי חוֹנֵן לִיתוֹמָיו׃
(יג)
יְהִי־אַחֲרִיתוֹ לְהַכְרִית בְּדוֹר אַחֵר יִמַּח שְׁמָם׃
(יד)
יִזָּכֵר עֲוֺן אֲבֹתָיו אֶל־אֲ־דֹנָי וְחַטַּאת אִמּוֹ אַל־תִּמָּח׃
(טו)
יִהְיוּ נֶגֶד־אֲ־דֹנָי תָּמִיד וְיַכְרֵת מֵאֶרֶץ זִכְרָם׃
(טז)
יַעַן אֲשֶׁר לֹא זָכַר עֲשׂוֹת חָסֶד וַיִּרְדֹּף אִישׁ־עָנִי וְאֶבְיוֹן וְנִכְאֵה לֵבָב לְמוֹתֵת׃
(יז)
וַיֶּאֱהַב קְלָלָה וַתְּבוֹאֵהוּ וְלֹא־חָפֵץ בִּבְרָכָה וַתִּרְחַק מִמֶּנּוּ׃
(יח)
וַיִּלְבַּשׁ קְלָלָה כְּמַדּוֹ וַתָּבֹא כַמַּיִם בְּקִרְבּוֹ וְכַשֶּׁמֶן בְּעַצְמוֹתָיו׃
(יט)
תְּהִי־לוֹ כְּבֶגֶד יַעְטֶה וּלְמֵזַח תָּמִיד יַחְגְּרֶהָ׃
(כ)
זֹאת פְּעֻלַּת שֹׂטְנַי מֵאֵת אֲ־דֹנָי וְהַדֹּבְרִים רָע עַל־נַפְשִׁי׃
(כא)
וְאַתָּה יְהוִה אֲדֹנָי עֲשֵׂה־אִתִּי לְמַעַן שְׁמֶךָ כִּי־טוֹב חַסְדְּךָ הַצִּילֵנִי׃
(כב)
כִּי־עָנִי וְאֶבְיוֹן אָנֹכִי וְלִבִּי חָלַל בְּקִרְבִּי׃
(כג)
כְּצֵל־כִּנְטוֹתוֹ נֶהֱלָכְתִּי נִנְעַרְתִּי כָּאַרְבֶּה׃
(כד)
בִּרְכַּי כָּשְׁלוּ מִצּוֹם וּבְשָׂרִי כָּחַשׁ מִשָּׁמֶן׃
(כה)
וַאֲנִי הָיִיתִי חֶרְפָּה לָהֶם יִרְאוּנִי יְנִיעוּן רֹאשָׁם׃
(כו)
עָזְרֵנִי אֲ־דֹנָי אֱלֹהָי הוֹשִׁיעֵנִי כְחַסְדֶּךָ׃
(כז)
וְיֵדְעוּ כִּי־יָדְךָ זֹּאת אַתָּה אֲ־דֹנָי עֲשִׂיתָהּ׃
(כח)
יְקַלְלוּ־הֵמָּה וְאַתָּה תְבָרֵךְ קָמוּ וַיֵּבֹשׁוּ וְעַבְדְּךָ יִשְׂמָח׃
(כט)
יִלְבְּשׁוּ שׂוֹטְנַי כְּלִמָּה וְיַעֲטוּ כַמְעִיל בָּשְׁתָּם׃
(ל)
אוֹדֶה אֲ־דֹנָי מְאֹד בְּפִי וּבְתוֹךְ רַבִּים אֲהַלְלֶנּוּ׃
(לא)
כִּי־יַעֲמֹד לִימִין אֶבְיוֹן לְהוֹשִׁיעַ מִשֹּׁפְטֵי נַפְשׁוֹ׃
לאחר סיום קריאת הפרק לחצו על הכפתור לאישור
זה הזמן לעוד מעשה טוב
כתב הרמב"ם: "עשה מצווה אחת הרי הכריע את עצמו ואת כל העולם כולו לכף זכות, וגרם לו ולהם תשועה והצלה".
זה לא קשה - בחרו מעשה טוב מהרשימה ולחצו 'בחרתי'. הצטרפו לאחרים וקחו על עצמכם בלי נדר מעשה טוב עבור כיתה יא -בית יעקב אור יהודה, מעשה טוב אחד שיכול להכריע את הכף.