תהילים יחד לרפואת אברהם יצחק בן יפעת
תהילים חברתי - קריאה משותפת של תהילים יחד לרפואת אברהם יצחק בן יפעת כל אחד קורא פרק אחד ויחד משלימים את כל ספר התהילים.
קראו ושתפו את יקירכם!
שיוכל ללכת
5
סה״כ פרקים שנקראו
בספר הנוכחי:
5 פרקים נקראו, 92 פרקים בקריאה, 53 פרקים נותרו
פרק ל"א
(א)
לַמְנַצֵּחַ מִזְמוֹר לְדָוִד׃
(ב)
בְּךָ אֲ־דֹנָי חָסִיתִי אַל־אֵבוֹשָׁה לְעוֹלָם בְּצִדְקָתְךָ פַלְּטֵנִי׃
(ג)
הַטֵּה אֵלַי אָזְנְךָ מְהֵרָה הַצִּילֵנִי הֱיֵה לִי לְצוּר־מָעוֹז לְבֵית מְצוּדוֹת לְהוֹשִׁיעֵנִי׃
(ד)
כִּי־סַלְעִי וּמְצוּדָתִי אָתָּה וּלְמַעַן שִׁמְךָ תַּנְחֵנִי וּתְנַהֲלֵנִי׃
(ה)
תּוֹצִיאֵנִי מֵרֶשֶׁת זוּ טָמְנוּ לִי כִּי־אַתָּה מָעוּזִּי׃
(ו)
בְּיָדְךָ אַפְקִיד רוּחִי פָּדִיתָה אוֹתִי אֲ־דֹנָי אֵל אֱמֶת׃
(ז)
שָׂנֵאתִי הַשֹּׁמְרִים הַבְלֵי־שָׁוְא וַאֲנִי אֶל־אֲ־דֹנָי בָּטָחְתִּי׃
(ח)
אָגִילָה וְאֶשְׂמְחָה בְּחַסְדֶּךָ אֲשֶׁר רָאִיתָ אֶת־עָנְיִי יָדַעְתָּ בְּצָרוֹת נַפְשִׁי׃
(ט)
וְלֹא הִסְגַּרְתַּנִי בְּיַד־אוֹיֵב הֶעֱמַדְתָּ בַמֶּרְחָב רַגְלָי׃
(י)
חָנֵּנִי אֲ־דֹנָי כִּי צַר־לִי עָשְׁשָׁה בְכַעַס עֵינִי נַפְשִׁי וּבִטְנִי׃
(יא)
כִּי כָלוּ בְיָגוֹן חַיַּי וּשְׁנוֹתַי בַּאֲנָחָה כָּשַׁל בַּעֲוֺנִי כֹחִי וַעֲצָמַי עָשֵׁשׁוּ׃
(יב)
מִכָּל־צֹרְרַי הָיִיתִי חֶרְפָּה וְלִשֲׁכֵנַי מְאֹד וּפַחַד לִמְיֻדָּעָי רֹאַי בַּחוּץ נָדְדוּ מִמֶּנִּי׃
(יג)
נִשְׁכַּחְתִּי כְּמֵת מִלֵּב הָיִיתִי כִּכְלִי אֹבֵד׃
(יד)
כִּי שָׁמַעְתִּי דִּבַּת רַבִּים מָגוֹר מִסָּבִיב בְּהִוָּסְדָם יַחַד עָלַי לָקַחַת נַפְשִׁי זָמָמוּ׃
(טו)
וַאֲנִי עָלֶיךָ בָטַחְתִּי אֲ־דֹנָי אָמַרְתִּי אֱלֹהַי אָתָּה׃
(טז)
בְּיָדְךָ עִתֹּתָי הַצִּילֵנִי מִיַּד־אוֹיְבַי וּמֵרֹדְפָי׃
(יז)
הָאִירָה פָנֶיךָ עַל־עַבְדֶּךָ הוֹשִׁיעֵנִי בְחַסְדֶּךָ׃
(יח)
אֲ־דֹנָי אַל־אֵבוֹשָׁה כִּי קְרָאתִיךָ יֵבֹשׁוּ רְשָׁעִים יִדְּמוּ לִשְׁאוֹל׃
(יט)
תֵּאָלַמְנָה שִׂפְתֵי שָׁקֶר הַדֹּבְרוֹת עַל־צַדִּיק עָתָק בְּגַאֲוָה וָבוּז׃
(כ)
מָה רַב־טוּבְךָ אֲשֶׁר־צָפַנְתָּ לִּירֵאֶיךָ פָּעַלְתָּ לַחֹסִים בָּךְ נֶגֶד בְּנֵי אָדָם׃
(כא)
תַּסְתִּירֵם בְּסֵתֶר פָּנֶיךָ מֵרֻכְסֵי אִישׁ תִּצְפְּנֵם בְּסֻכָּה מֵרִיב לְשֹׁנוֹת׃
(כב)
בָּרוּךְ אֲ־דֹנָי כִּי הִפְלִיא חַסְדּוֹ לִי בְּעִיר מָצוֹר׃
(כג)
וַאֲנִי אָמַרְתִּי בְחָפְזִי נִגְרַזְתִּי מִנֶּגֶד עֵינֶיךָ אָכֵן שָׁמַעְתָּ קוֹל תַּחֲנוּנַי בְּשַׁוְּעִי אֵלֶיךָ׃
(כד)
אֶהֱבוּ אֶת־אֲ־דֹנָי כָּל־חֲסִידָיו אֱמוּנִים נֹצֵר אֲ־דֹנָי וּמְשַׁלֵּם עַל־יֶתֶר עֹשֵׂה גַאֲוָה׃
(כה)
חִזְקוּ וְיַאֲמֵץ לְבַבְכֶם כָּל־הַמְיַחֲלִים לַיהוָה׃
לאחר סיום קריאת הפרק לחצו על הכפתור לאישור
זה הזמן לעוד מעשה טוב
כתב הרמב"ם: "עשה מצווה אחת הרי הכריע את עצמו ואת כל העולם כולו לכף זכות, וגרם לו ולהם תשועה והצלה".
זה לא קשה - בחרו מעשה טוב מהרשימה ולחצו 'בחרתי'. הצטרפו לאחרים וקחו על עצמכם בלי נדר מעשה טוב עבור אברהם יצחק בן יפעת, מעשה טוב אחד שיכול להכריע את הכף.