Social Tehilim - joint recitation of Psalms in prayer Other יונתן אברהם בן בת חן. אלרואי יוסף בן בת חן. אבישי זרח משה בן בת חן. אליהו אהרון בן נילי. אביעד אברהם בן נורית .אברהם יצחק בן ברכה נחשון יהודה בן ברכה .דניאל בן מלכה . Each person recites one chapter, and together they finish the entire Book of Psalms.
Share with your friends!
לשמירה ולהגנה בכל מקום ובכל זמן.
8
Total Number of Chapters Recited
Chapter 18 - י"ח
(א)
לַמְנַצֵּחַ לְעֶבֶד אֲ־דֹנָי לְדָוִד אֲשֶׁר דִּבֶּר לַיהוָה אֶת־דִּבְרֵי הַשִּׁירָה הַזֹּאת בְּיוֹם הִצִּיל־אֲ־דֹנָי אוֹתוֹ מִכַּף כָּל־אֹיְבָיו וּמִיַּד שָׁאוּל׃
(ב)
וַיֹּאמַר אֶרְחָמְךָ אֲ־דֹנָי חִזְקִי׃
(ג)
אֲ־דֹנָי סַלְעִי וּמְצוּדָתִי וּמְפַלְטִי אֵלִי צוּרִי אֶחֱסֶה־בּוֹ מָגִנִּי וְקֶרֶן־יִשְׁעִי מִשְׂגַּבִּי׃
(ד)
מְהֻלָּל אֶקְרָא אֲ־דֹנָי וּמִן־אֹיְבַי אִוָּשֵׁעַ׃
(ה)
אֲפָפוּנִי חֶבְלֵי־מָוֶת וְנַחֲלֵי בְלִיַּעַל יְבַעֲתוּנִי׃
(ו)
חֶבְלֵי שְׁאוֹל סְבָבוּנִי קִדְּמוּנִי מוֹקְשֵׁי מָוֶת׃
(ז)
בַּצַּר־לִי אֶקְרָא אֲ־דֹנָי וְאֶל־אֱלֹהַי אֲשַׁוֵּעַ יִשְׁמַע מֵהֵיכָלוֹ קוֹלִי וְשַׁוְעָתִי לְפָנָיו תָּבוֹא בְאָזְנָיו׃
(ח)
וַתִּגְעַשׁ וַתִּרְעַשׁ הָאָרֶץ וּמוֹסְדֵי הָרִים יִרְגָּזוּ וַיִּתְגָּעֲשׁוּ כִּי־חָרָה לוֹ׃
(ט)
עָלָה עָשָׁן בְּאַפּוֹ וְאֵשׁ־מִפִּיו תֹּאכֵל גֶּחָלִים בָּעֲרוּ מִמֶּנּוּ׃
(י)
וַיֵּט שָׁמַיִם וַיֵּרַד וַעֲרָפֶל תַּחַת רַגְלָיו׃
(יא)
וַיִּרְכַּב עַל־כְּרוּב וַיָּעֹף וַיֵּדֶא עַל־כַּנְפֵי־רוּחַ׃
(יב)
יָשֶׁת חֹשֶׁךְ סִתְרוֹ סְבִיבוֹתָיו סֻכָּתוֹ חֶשְׁכַת־מַיִם עָבֵי שְׁחָקִים׃
(יג)
מִנֹּגַהּ נֶגְדּוֹ עָבָיו עָבְרוּ בָּרָד וְגַחֲלֵי־אֵשׁ׃
(יד)
וַיַּרְעֵם בַּשָּׁמַיִם אֲ־דֹנָי וְעֶלְיוֹן יִתֵּן קֹלוֹ בָּרָד וְגַחֲלֵי־אֵשׁ׃
(טו)
וַיִּשְׁלַח חִצָּיו וַיְפִיצֵם וּבְרָקִים רָב וַיְהֻמֵּם׃
(טז)
וַיֵּרָאוּ אֲפִיקֵי מַיִם וַיִּגָּלוּ מוֹסְדוֹת תֵּבֵל מִגַּעֲרָתְךָ אֲ־דֹנָי מִנִּשְׁמַת רוּחַ אַפֶּךָ׃
(יז)
יִשְׁלַח מִמָּרוֹם יִקָּחֵנִי יַמְשֵׁנִי מִמַּיִם רַבִּים׃
(יח)
יַצִּילֵנִי מֵאֹיְבִי עָז וּמִשֹּׂנְאַי כִּי־אָמְצוּ מִמֶּנִּי׃
(יט)
יְקַדְּמוּנִי בְיוֹם־אֵידִי וַיְהִי־אֲ־דֹנָי לְמִשְׁעָן לִי׃
(כ)
וַיּוֹצִיאֵנִי לַמֶּרְחָב יְחַלְּצֵנִי כִּי חָפֵץ בִּי׃
(כא)
יִגְמְלֵנִי אֲ־דֹנָי כְּצִדְקִי כְּבֹר יָדַי יָשִׁיב לִי׃
(כב)
כִּי־שָׁמַרְתִּי דַּרְכֵי אֲ־דֹנָי וְלֹא־רָשַׁעְתִּי מֵאֱלֹהָי׃
(כג)
כִּי כָל־מִשְׁפָּטָיו לְנֶגְדִּי וְחֻקֹּתָיו לֹא־אָסִיר מֶנִּי׃
(כד)
וָאֱהִי תָמִים עִמּוֹ וָאֶשְׁתַּמֵּר מֵעֲוֺנִי׃
(כה)
וַיָּשֶׁב־אֲ־דֹנָי לִי כְצִדְקִי כְּבֹר יָדַי לְנֶגֶד עֵינָיו׃
(כו)
עִם־חָסִיד תִּתְחַסָּד עִם־גְּבַר תָּמִים תִּתַּמָּם׃
(כז)
עִם־נָבָר תִּתְבָּרָר וְעִם־עִקֵּשׁ תִּתְפַּתָּל׃
(כח)
כִּי־אַתָּה עַם־עָנִי תוֹשִׁיעַ וְעֵינַיִם רָמוֹת תַּשְׁפִּיל׃
(כט)
כִּי־אַתָּה תָּאִיר נֵרִי אֲ־דֹנָי אֱלֹהַי יַגִּיהַּ חָשְׁכִּי׃
(ל)
כִּי־בְךָ אָרֻץ גְּדוּד וּבֵאלֹהַי אֲדַלֶּג־שׁוּר׃
(לא)
הָאֵל תָּמִים דַּרְכּוֹ אִמְרַת־אֲ־דֹנָי צְרוּפָה מָגֵן הוּא לְכֹל הַחֹסִים בּוֹ׃
(לב)
כִּי מִי אֱלוֹהַּ מִבַּלְעֲדֵי אֲ־דֹנָי וּמִי צוּר זוּלָתִי אֱלֹהֵינוּ׃
(לג)
הָאֵל הַמְאַזְּרֵנִי חָיִל וַיִּתֵּן תָּמִים דַּרְכִּי׃
(לד)
מְשַׁוֶּה רַגְלַי כָּאַיָּלוֹת וְעַל בָּמֹתַי יַעֲמִידֵנִי׃
(לה)
מְלַמֵּד יָדַי לַמִּלְחָמָה וְנִחֲתָה קֶשֶׁת־נְחוּשָׁה זְרוֹעֹתָי׃
(לו)
וַתִּתֶּן־לִי מָגֵן יִשְׁעֶךָ וִימִינְךָ תִסְעָדֵנִי וְעַנְוַתְךָ תַרְבֵּנִי׃
(לז)
תַּרְחִיב צַעֲדִי תַחְתָּי וְלֹא מָעֲדוּ קַרְסֻלָּי׃
(לח)
אֶרְדּוֹף אוֹיְבַי וְאַשִּׂיגֵם וְלֹא־אָשׁוּב עַד־כַּלּוֹתָם׃
(לט)
אֶמְחָצֵם וְלֹא־יֻכְלוּ קוּם יִפְּלוּ תַּחַת רַגְלָי׃
(מ)
וַתְּאַזְּרֵנִי חַיִל לַמִּלְחָמָה תַּכְרִיעַ קָמַי תַּחְתָּי׃
(מא)
וְאֹיְבַי נָתַתָּה לִּי עֹרֶף וּמְשַׂנְאַי אַצְמִיתֵם׃
(מב)
יְשַׁוְּעוּ וְאֵין־מוֹשִׁיעַ עַל־אֲ־דֹנָי וְלֹא עָנָם׃
(מג)
וְאֶשְׁחָקֵם כְּעָפָר עַל־פְּנֵי־רוּחַ כְּטִיט חוּצוֹת אֲרִיקֵם׃
(מד)
תְּפַלְּטֵנִי מֵרִיבֵי עָם תְּשִׂימֵנִי לְרֹאשׁ גּוֹיִם עַם לֹא־יָדַעְתִּי יַעַבְדוּנִי׃
(מה)
לְשֵׁמַע אֹזֶן יִשָּׁמְעוּ לִי בְּנֵי־נֵכָר יְכַחֲשׁוּ־לִי׃
(מו)
בְּנֵי־נֵכָר יִבֹּלוּ וְיַחְרְגוּ מִמִּסְגְּרוֹתֵיהֶם׃
(מז)
חַי־אֲ־דֹנָי וּבָרוּךְ צוּרִי וְיָרוּם אֱלוֹהֵי יִשְׁעִי׃
(מח)
הָאֵל הַנּוֹתֵן נְקָמוֹת לִי וַיַּדְבֵּר עַמִּים תַּחְתָּי׃
(מט)
מְפַלְּטִי מֵאֹיְבָי אַף מִן־קָמַי תְּרוֹמְמֵנִי מֵאִישׁ חָמָס תַּצִּילֵנִי׃
(נ)
עַל־כֵּן אוֹדְךָ בַגּוֹיִם אֲ־דֹנָי וּלְשִׁמְךָ אֲזַמֵּרָה׃
(נא)
מַגְדִּיל יְשׁוּעוֹת מַלְכּוֹ וְעֹשֶׂה חֶסֶד לִמְשִׁיחוֹ לְדָוִד וּלְזַרְעוֹ עַד־עוֹלָם׃
When you have finished reciting the chapter, press the button to confirm
This is the time for one more good deed
The Rambam writes: "He does one mitzvah and he tips the scale for himself and the whole world to the side of merit, bringing him and them rescue and salvation."
It's very simple - choose a good deed from the list and click on 'I chose'. Join others and pledge to do a good deed for יונתן אברהם בן בת חן. אלרואי יוסף בן בת חן. אבישי זרח משה בן בת חן. אליהו אהרון בן נילי. אביעד אברהם בן נורית .אברהם יצחק בן ברכה נחשון יהודה בן ברכה .דניאל בן מלכה ..
One good deed can tip the scales.